ഇറാനെ പൂട്ടാൻ ട്രംപിനൊപ്പം യുഎഇയും; കടലിടുക്ക് തുറക്കാൻ വമ്പൻ പ്ലാൻ

അബുദാബി: ഇറാൻ തടസ്സപ്പെടുത്തിയ ഹോർമുസ് കടലിടുക്ക് തുറക്കുന്നതിനായുള്ള അമേരിക്കയുടെ സൈനിക നീക്കത്തിന് പൂർണ്ണ പിന്തുണയുമായി യുണൈറ്റഡ് അറബ് എമിറേറ്റ്സ് (യുഎഇ). ആഗോള ഇന്ധന വിപണിയെ സാരമായി ബാധിച്ച ഈ പ്രതിസന്ധി പരിഹരിക്കാൻ അമേരിക്കൻ പ്രസിഡന്റ് ഡൊണാൾഡ് ട്രംപിന്റെ നേതൃത്വത്തിലുള്ള സഖ്യസേനയ്‌ക്കൊപ്പം അണിചേരാൻ യുഎഇ തീരുമാനിച്ചു.

അന്താരാഷ്ട്ര കപ്പൽ ഗതാഗതം പുനഃസ്ഥാപിക്കുക എന്നതാണ് ഈ സംയുക്ത നീക്കത്തിന്റെ പ്രധാന ലക്ഷ്യം. ലോകത്തെ എണ്ണ വ്യാപാരത്തിന്റെ സുപ്രധാന പാതയായ ഹോർമുസ് കടലിടുക്ക് ഇറാൻ അടച്ചുപൂട്ടിയതാണ് ആഗോളതലത്തിൽ വലിയ സാമ്പത്തിക പ്രതിസന്ധിക്ക് കാരണമായത്. ഇറാന്റെ ഇത്തരത്തിലുള്ള ആക്രമണോത്സുകമായ നയങ്ങൾ മേഖലയിലെ സുരക്ഷയ്ക്ക് വലിയ ഭീഷണിയാണെന്ന് യുഎഇ വിലയിരുത്തുന്നു.