കുർബാനയ്ക്കിടെ വിദ്യാർഥി കുഴഞ്ഞുവീണ് മരിച്ചു

കുർബാനയ്ക്കിടെ വിദ്യാർഥി കുഴഞ്ഞ് വീണ് മരിച്ചു. കോട്ടയം കാഞ്ഞിരപ്പള്ളി ആനക്കല്ല് സെന്റ് ആന്റണീസ് പബ്ളിക് സ്കൂളിലെ പ്ലസ് വൺ വിദ്യാർഥി നെല്ലാകുന്നിൽ മിലൻ പോൾ (17) ആണ് മരിച്ചത്.

ഇന്ന് രാവിലെ ആനക്കല്ല് സെൻ്റ് ആന്‍റണീസ് പള്ളിയിൽ കുർബാനയിൽ പങ്കെടുക്കവെയാണ് മിലൻ കുഴഞ്ഞ് വീണത്. തുടർന്ന് ഉടൻ തന്നെ അടുത്തുള്ള സ്വകാര്യ ആശുപത്രിയിൽ പ്രവേശിപ്പിച്ചെങ്കിലും മരണം സംഭവിക്കുകയായിരുന്നു. ഇടവകയിലെ അൾത്താര ബാലകനായിരുന്നു മിലൻ.