സ്പ്രിങ്സ് ക്രിസ്ത്യൻ അക്കാദമി ഇനി ഫ്രഞ്ച് മിഡിൽ സ്കൂൾ

വിന്നിപെഗ് : വിന്നിപെഗിലെ സെന്റ് ബോണിഫേസിലുള്ള ക്രിസ്തീയ വിദ്യാഭ്യാസത്തിന്റെ അടയാളമായിരുന്ന പഴയ സ്പ്രിങ്സ് ക്രിസ്ത്യൻ അക്കാദമിയുടെ കെട്ടിടം ഇനി മുതൽ ഫ്രഞ്ച് ഭാഷാ പഠനത്തിന്റെ കേന്ദ്രമാകും. 261 യൂവിൽ സ്ട്രീറ്റിൽ പ്രവർത്തിച്ചിരുന്ന ഈ ക്രിസ്ത്യൻ വിദ്യാലയത്തിന് പകരം പുതിയ ഫ്രഞ്ച് മിഡിൽ സ്കൂൾ സെപ്റ്റംബർ 11-ന് പ്രവർത്തനം തുടങ്ങുമെന്ന് മാനിറ്റോബ സർക്കാർ അറിയിച്ചു.

മതപരമായ വിദ്യാഭ്യാസത്തിൽ നിന്നും ഭാഷാപരമായ സംസ്കാരിക വിദ്യാഭ്യാസത്തിലേക്കുള്ള ഈ മാറ്റം സെന്റ് ബോണിഫേസ് മേഖലയിലെ വലിയൊരു ചുവടുവെപ്പായാണ് കണക്കാക്കപ്പെടുന്നത്. ഏകദേശം 375 വിദ്യാർത്ഥികൾക്ക് പഠിക്കാനുള്ള സൗകര്യമാണ് ഇവിടെ ഒരുങ്ങുന്നത്. മാനിറ്റോബയിലെ ഫ്രഞ്ച് പാരമ്പര്യം നിലനിർത്തുന്നതിനൊപ്പം വർദ്ധിച്ചുവരുന്ന വിദ്യാർത്ഥികളുടെ ആവശ്യങ്ങൾ നിറവേറ്റാൻ ഈ പുതിയ സ്കൂൾ സഹായിക്കും.