സൂപ്പർ ബൗൾ പോരാട്ടത്തിന് മുന്നോടിയായി സീഹോക്സ് ടീമില നവോത്ഥാനം

യുഎസ് : സൂപ്പർ ബൗൾ ലസ് -ലേക്ക് തയ്യാറെടുക്കുന്ന സീറ്റിൽ സീഹോക്സ് ടീമിന് തങ്ങളുടെ ക്രൈസ്തവ വിശ്വാസം വെറുമൊരു ശീലമല്ല, മറിച്ച് ജീവിതത്തിന്റെ അടിസ്ഥാനമാണെന്ന് ടീം അംഗങ്ങൾ വ്യക്തമാക്കുന്നു. തങ്ങളുടെ ഐഡന്റിറ്റി ഫുട്ബോളിലല്ല, മറിച്ച് യേശുക്രിസ്തുവിലാണെന്ന് വിശ്വസിക്കുന്ന ഓഫൻസീവ് കോർഡിനേറ്റർ ക്ലിന്റ് കുബിയാക്, ടീമിലെ എല്ലാ അംഗങ്ങൾക്കും ക്രിസ്തുമസിന് ബൈബിൾ സമ്മാനമായി നൽകി മാതൃകയായി. ഒരു ഫുട്ബോൾ കോച്ച് എന്നതിനേക്കാൾ നല്ലൊരു പിതാവാകാനും വിശ്വസ്തനായ ഭർത്താവാകാനുമാണ് താൻ ആഗ്രഹിക്കുന്നതെന്നും, ഈ ബോധ്യം തന്റെ ജോലിയിലെ ഭാരം കുറയ്ക്കാൻ സഹായിക്കുന്നുവെന്നും അദ്ദേഹം വെളിപ്പെടുത്തി.

ഹെഡ് കോച്ച് മൈക്ക് മക്ഡൊണാൾഡും തന്റെ ആത്മീയ വളർച്ചയെക്കുറിച്ച് തുറന്നു പറഞ്ഞു. തന്റെ ശക്തിയുടെ ഉറവിടവും വഴികാട്ടിയും ദൈവമാണെന്ന് അദ്ദേഹം വിശ്വസിക്കുന്നു. ടീമിനെ നയിക്കാൻ ദൈവം തന്നെ ഏൽപ്പിച്ച ദൗത്യത്തിൽ വലിയ കൃതജ്ഞതയുണ്ടെന്നും, കളിക്കാർ തങ്ങളുടെ വിശ്വാസത്തിൽ വളരുന്നത് കാണാനാണ് താൻ ആഗ്രഹിക്കുന്നതെന്നും അദ്ദേഹം കൂട്ടിച്ചേർത്തു. ഞായറാഴ്ചകളിൽ മത്സരങ്ങൾ ഉള്ളതിനാൽ പള്ളിയിൽ പോകാൻ സാധിക്കാത്ത കളിക്കാർക്കായി ടീം തന്നെ ഒരു ‘ചർച്ച്’ ആയി മാറുകയാണെന്ന് ടീം ചാപ്ലയിൻ ജോനാഥൻ റെയ്‌നി വിശദീകരിക്കുന്നു.

ബൈബിൾ പഠനങ്ങളിലൂടെയും പ്രാർത്ഥനയിലൂടെയും ടീമിലെ ഓരോ അംഗത്തെയും ആത്മീയമായി കരുത്തരാക്കുന്ന പ്രവർത്തനങ്ങളാണ് ലോക്കർ റൂമിൽ നടക്കുന്നത്. കളിക്കാർ മാത്രമല്ല, സെക്യൂരിറ്റി ജീവനക്കാരും ട്രെയിനർമാരും ഈ വലിയ ആത്മീയ കൂട്ടായ്മയുടെ ഭാഗമാണ്. സൂപ്പർ ബൗളിന് മുന്നോടിയായി, യേശുക്രിസ്തുവിനെ തങ്ങളുടെ “നോർത്ത് സ്റ്റാർ” (വഴികാട്ടി) ആയി കണ്ട് മുന്നേറാനാണ് ചാപ്ലയിൻ ടീമിന് നൽകുന്ന സന്ദേശം. വിജയപരാജയങ്ങൾക്കപ്പുറം ക്രിസ്തുവിലുള്ള പ്രത്യാശയാണ് ഈ ടീമിനെ നയിക്കുന്ന പ്രധാന ഘടകം.