സെപ്റ്റംബർ 12 ബൈബിൾ ദിനം: അമേരിക്കൻ പൈതൃകം വീണ്ടെടുക്കാൻ പെൻസിൽവേനിയൻ നിയമനിർമ്മാതാക്കൾ

പെൻസിൽവേനിയ: അമേരിക്കയുടെ ചരിത്രത്തിൽ ബൈബിളിനുള്ള സ്ഥാനത്തെ ആദരിച്ചുകൊണ്ട്, പെൻസിൽവേനിയ സംസ്ഥാന നിയമസഭയിൽ സെപ്റ്റംബർ 12 ബൈബിൾ ദിനമായി പ്രഖ്യാപിക്കുന്നതിനുള്ള പ്രമേയം അവതരിപ്പിച്ചു. സംസ്ഥാന പ്രതിനിധി സ്റ്റെഫാനി ബൊറോവിച്ച്, സെനറ്റർ ഡഗ് മാസ്ട്രിയാനോ എന്നിവരാണ് പ്രമേയത്തിന് നേതൃത്വം നൽകുന്നത്.

രാജ്യത്ത് വർധിച്ചുവരുന്ന രാഷ്ട്രീയ ഭിന്നിപ്പുകളും ധാർമ്മിക വെല്ലുവിളികളും നേരിടുന്ന ഈ സമയത്ത് അമേരിക്കയുടെ ആത്മീയ അടിത്തറയിലേക്ക് മടങ്ങാനുള്ള ആഹ്വാനമായാണ് ഈ പ്രഖ്യാപനം വിലയിരുത്തപ്പെടുന്നത്. ഈ നീക്കത്തിനെതിരെ മതസ്വാതന്ത്ര്യത്തിനുവേണ്ടി നിലകൊള്ളുന്ന സംഘടനകൾ രംഗത്തുവന്നു. ഫ്രീഡം ഫ്രം റിലീജിയൻ ഫൗണ്ടേഷൻ പോലുള്ള ഗ്രൂപ്പുകൾ പ്രമേയത്തെ ശക്തമായി വിമർശിക്കുകയും നിയമനടപടികൾ ആലോചിക്കുകയും ചെയ്യുന്നതായി അറിയിച്ചു.