*ആറ്റോമിക് ഊർജ്ജത്തിന്റെ ഉത്തരവാദിത്തമുള്ള ഉപയോഗവും ആണവായുധ വിമുക്ത ലോകവും അനിവാര്യം: ആർച്ച് ബിഷപ്പ് പോൾ ഗലാഘർ*

വിയന്ന: വിയന്നയിൽ നടക്കുന്ന അന്താരാഷ്ട്ര ആണവോർജ്ജ ഏജൻസിയുടെ (IAEA) ജനറൽ കോൺഫറൻസിൽ രാഷ്ട്രങ്ങൾ ആണവായുധങ്ങൾ ഉപേക്ഷിക്കണമെന്ന് ആർച്ച് ബിഷപ്പ് പോൾ റിച്ചാർഡ് ഗലാഘർ ആഹ്വാനം ചെയ്തു. സാങ്കേതികവിദ്യ മാനവരാശിയുടെ നന്മയ്ക്കായി മാത്രം ഉപയോഗിക്കണമെന്നും അദ്ദേഹം ആവശ്യപ്പെട്ടു.

ആണവ സാങ്കേതികവിദ്യയുടെ സമാധാനപരമായ ഉപയോഗം സാധ്യമാണെങ്കിലും അത് ഉത്തരവാദിത്തത്തോടെയും ധാർമ്മിക തത്ത്വങ്ങളിൽ അധിഷ്ഠിതമായും നടപ്പിലാക്കണം. വികസന പരിപാടികൾ ആണവായുധ ശേഖരണത്തിലേക്ക് വഴിമാറുന്നില്ലെന്ന് ഉറപ്പാക്കണമെന്നും വത്തിക്കാൻ വിദേശകാര്യ സെക്രട്ടറി ഓർമ്മിപ്പിച്ചു.

യുദ്ധസമയത്ത് ആണവ നിലയങ്ങളുടെ സംരക്ഷണം, കൃത്രിമബുദ്ധിയുടെ (AI) സുരക്ഷിതമായ ഉപയോഗം എന്നിവയിൽ ജാഗ്രത വേണം. എഴുപത് വർഷം മുൻപ് ഒപ്പുവെച്ച വത്തിക്കാൻ, ഈ സാങ്കേതികവിദ്യ സമാധാനത്തിനായി മാത്രമേ ഉപയോഗിക്കാവൂ എന്ന നിലപാടിലാണ്.