മനുഷ്യാവകാശ ധ്വംസനങ്ങൾക്കെതിരെ പ്രതികരിക്കുക: ഡോ ബാബു കെ വർഗീസ്

ചിക്കാഗോ: ഇന്ത്യയിൽ നടക്കുന്ന മനുഷ്യാവകാശ ധ്വംസനങ്ങൾക്കെതിരെ വിദേശ മലയാളികളും പ്രതികരിക്കണമെന്ന് ഡോ ബാബു കെ വർഗീസ്.

ശാരീരികവും മാനസികവും സാമ്പത്തികവുമായ പീഡനങ്ങളിലൂടെയാണ് ഇന്ത്യയിലേ ക്രൈസ്തവ സഭ മുന്നേറുന്നതെന്നും എന്ത് ഉടുക്കണം എന്ത് കഴിക്കണം ആരെ ആരാധിക്കണം എന്നൊക്കെയുള്ള മനുഷ്യരുടെ അടിസ്ഥാനപരമായ അവകാശങ്ങൾ ഇന്ത്യയിൽ പലയിടത്തും നിഷേധിക്കപ്പെടുന്നുവെന്നും ഇതിനെതിരെ ശക്തമായ പ്രാർത്ഥനയും ബോധവൽക്കരണവും ആവശ്യമുണ്ടെന്നും അദ്ദേഹം പറഞ്ഞു.

ചിക്കാഗോ ഗോസ്പൽ
മീഡിയ അസോസിയേഷന്റെ ആഭിമുഖ്യത്തിൽ ഗ്രേസ് പ്രിന്റിംഗ് കോൺഫറൻസ് റൂമിൽ നടന്ന സമ്മേളനത്തിൽ മുഖ്യ അതിഥിയായി സംസാരിക്കുകയായിരുന്നു അദ്ദേഹം. അസോസിയേഷൻ ജനറൽ സെക്രട്ടറി കുര്യൻ ഫിലിപ്പിന്റെ അധ്യക്ഷതയിൽ നടന്ന സമ്മേളനത്തിൽ രക്ഷാധികാരി കെ എം ഈപ്പൻ ഡോ ബാബു വർഗീസിനെ പരിചയപ്പെടുത്തി. റവ സാം തോമസ് പ്രാരംഭ പ്രാർത്ഥന നടത്തി.

കേരളത്തിൽ നിയന്ത്രണാധിതമായി ഒഴുകുന്ന ലഹരി മരുന്നുകളുടെ ഉപയോഗ മൂലം അക്രമാസക്തരാകുന്ന യുവതലമുറയുടെ പെരുമാറ്റത്തിൽ യോഗം നടുക്കം രേഖപ്പെടുത്തുകയും അസോസിയേഷൻ പ്രസിഡന്റ് ഡോ അലക്സ് ടി കോശി, ഡോ സാജൻ മാത്യു എന്നിവരുടെ നേതൃത്വത്തിൽ പ്രത്യേക പ്രാർത്ഥന നടത്തുകയും ചെയ്തു. ഡോ ടൈറ്റസ് ഈപ്പൻ നന്ദി രേഖപ്പെടുത്തി. ഷാജി എബ്രഹാമിന്റെ പ്രാർത്ഥനയോടെ സമ്മേളനം സമാപിച്ചു.

വാർത്ത: കുര്യൻ ഫിലിപ്പ്