നിലമ്പൂർ കൊച്ചുവേളി എക്സ്പ്രസ്സ് : റെയിൽവേ ആക്ഷൻ കൗണ്സിലിന്റെ സ്വീകരണം

ഏകദേശം 9 മാസത്തെ ഇടവേളക്ക് ശേഷം നിലമ്പൂര് – ഷൊറണൂര് പാതയില് ഓടുന്ന ആദ്യ യാത്ര വണ്ടിയായ 06350 നിലമ്പൂര്- കൊച്ചുവേളി സ്പെഷ്യല് എക്സ്പ്രസ് ട്രെയിനിനെ നിലമ്പൂര്- മൈസൂര് റെയില്വേ ആക്ഷന് കൗണ്സില് പ്രവര്ത്തകര് സ്വീകരിച്ചു. ജീവനക്കാര്ക്ക് സാനിറ്റൈസറുകളും മാസ്ക്കുകളും, യാത്രക്കാര്ക്ക് മാസ്ക്കുകളും നല്കി. ജോഷ്വാ കോശി, യു.നരേന്ദ്രന്, അനസ് യൂണിയന് എന്നിവര് നേതൃത്വം നല്കി. പുതിയ സമയക്രമപ്രകാരം രാത്രി 09.30 നാണ് വണ്ടി നിലമ്പൂര് വിടുന്നത്.