*ഇറാൻറെ ആണവ ശാസ്ത്രജ്ഞരെ വ്യോമാക്രമണത്തിലൂടെ വധിച്ചതായി പ്രധാനമന്ത്രി ബെഞ്ചമിൻ നെതന്യാഹു *

*

ഇസ്രായേൽ : ഇറാൻ്റെ ആണവ പദ്ധതികളുടെ നട്ടെല്ലായ പ്രമുഖ ശാസ്ത്രജ്ഞരെ വ്യോമാക്രമണത്തിലൂടെ വധിച്ചതായി ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു വെളിപ്പെടുത്തി. മാർച്ച് 13 വെള്ളിയാഴ്ചയാണ് ഇസ്രായേലിൻ്റെ സുരക്ഷ ഉറപ്പാക്കാൻ നടത്തിയ ഈ നിർണ്ണായക നീക്കത്തെക്കുറിച്ച് അദ്ദേഹം പ്രസ്താവന നടത്തിയത്. ഇറാന്റെ ആണവ ഗവേഷണ കേന്ദ്രങ്ങളെ ലക്ഷ്യം വെച്ചുണ്ടായ ഈ ആക്രമണം അവരുടെ ആണവായുധ മോഹങ്ങൾക്ക് വലിയ തിരിച്ചടിയാകുമെന്ന് ഇസ്രായേൽ വിലയിരുത്തുന്നു.

ഇറാൻ്റെ പുതിയ പരമാധികാരിയായി മൊജ്തബ ഖമേനി അധികാരമേറ്റെടുത്തതിന് തൊട്ടുപിന്നാലെയാണ് ഇസ്രായേലിൻ്റെ ഈ വെളിപ്പെടുത്തൽ വരുന്നത് എന്നത് ശ്രദ്ധേയമാണ്. ഇസ്രായേലിൻ്റെ നിലനിൽപ്പിന് ഭീഷണിയാകുന്ന ഏത് നീക്കത്തെയും പ്രതിരോധിക്കാൻ തങ്ങൾ സജ്ജമാണെന്ന ശക്തമായ മുന്നറിയിപ്പാണ് ഇതിലൂടെ നെതന്യാഹു നൽകുന്നത്.