*ഇറാന്റെ നീക്കങ്ങളെ കരുതലോടെ വീക്ഷിക്കുമെന്ന് പ്രസിഡന്റ് ട്രംപ്*

*ഇറാന്റെ നീക്കങ്ങളെ കരുതലോടെ വീക്ഷിക്കുമെന്ന് പ്രസിഡന്റ് ട്രംപ്*

യുഎസ് : അമേരിക്കൻ ജനതയുടെ സുരക്ഷയ്ക്ക് മുൻഗണന നൽകിക്കൊണ്ട്, ഇറാന്റെ മിസൈൽ പദ്ധതികളെക്കുറിച്ചുള്ള ശക്തമായ മുന്നറിയിപ്പുമായി പ്രസിഡന്റ് ഡോണൾഡ് ട്രംപ് രംഗത്തെത്തി. തന്റെ ‘സ്റ്റേറ്റ് ഓഫ് ദി യൂണിയൻ’ പ്രസംഗത്തിൽ, ഇറാൻ വികസിപ്പിക്കുന്ന മിസൈലുകൾ അമേരിക്കൻ മണ്ണിലേക്ക് എത്താൻ സാധ്യതയുണ്ടെന്നും അത് തടയാൻ രാജ്യം സജ്ജമാണെന്നും അദ്ദേഹം പ്രഖ്യാപിച്ചു. ലോകത്തിലെ ഏറ്റവും ശക്തമായ സൈനികശക്തി അമേരിക്കയ്ക്കുണ്ടെന്നും ശത്രുക്കളുടെ ഏത് വെല്ലുവിളിയെയും നേരിടാൻ രാജ്യം സുരക്ഷിതമാണെന്നും ട്രംപ് ഉറപ്പുനൽകി.

ഇറാനുമായി നയതന്ത്ര ചർച്ചകൾ തുടരുമ്പോഴും അമേരിക്കയുടെ പ്രതിരോധ സജ്ജീകരണങ്ങൾ വർദ്ധിപ്പിക്കാനാണ് ഭരണകൂടം ലക്ഷ്യമിടുന്നത്. ഇറാന്റെ ആയുധ ശേഖരത്തെയും ആണവ മോഹങ്ങളെയും നേരിടാൻ ഇസ്രായേൽ ഉൾപ്പെടെയുള്ള സഖ്യകക്ഷികളുമായി ചേർന്ന് പ്രവർത്തിക്കുമെന്ന് പ്രസിഡന്റ് വ്യക്തമാക്കി. രാജ്യത്തിന്റെ സമാധാനവും സുരക്ഷയും സംരക്ഷിക്കാൻ ഏത് കടുത്ത തീരുമാനവും എടുക്കാൻ മടിക്കില്ലെന്ന് അദ്ദേഹം ആവർത്തിച്ചു.