ഉക്രൈനിലെ കണ്ണീരൊപ്പാൻ മാർപാപ്പ; വത്തിക്കാനിൽ പ്രത്യേക കൂടിക്കാഴ്ച

വത്തിക്കാൻ സിറ്റി: റഷ്യൻ തടങ്കലിലുള്ള തങ്ങളുടെ പ്രിയപ്പെട്ടവരുടെ മോചനത്തിനായി സഹായം അഭ്യർത്ഥിച്ച് ഉക്രൈനിൽ നിന്നുള്ള ഒരു കൂട്ടം സ്ത്രീകൾ ലിയോ പതിനാലാമൻ മാർപാപ്പയുമായി കൂടിക്കാഴ്ച നടത്തി. ഫെബ്രുവരി 18-ന് വത്തിക്കാനിൽ നടന്ന പൊതുദർശനത്തിന് ശേഷമായിരുന്നു വൈകാരികമായ ഈ സംഗമം.

ഹാർട്ട് ഇൻ ആക്ഷൻ എന്ന സംഘടനയുടെ നേതൃത്വത്തിലെത്തിയ 12 അംഗ സംഘം കാണാതായ സൈനികരുടെ കുടുംബങ്ങൾ നേരിടുന്ന ദുരിതങ്ങൾ മാർപാപ്പയോട് പങ്കുവെച്ചു. തടവുകാരുടെ മോചനത്തിനായി വത്തിക്കാൻ നടത്തുന്ന ഇടപെടലുകളിൽ തങ്ങൾക്ക് വലിയ പ്രതീക്ഷയുണ്ടെന്ന് കൂടിക്കാഴ്ചയ്ക്ക് ശേഷം കാതറീന മുസ്ലോവ പറഞ്ഞു