*സമാധാനപരമായ നീക്കം: ഐസ് ഉദ്യോഗസ്ഥന്റെ പള്ളിയിലെ പ്രതിഷേധക്കാർക്കെതിരെ കേസെടുക്കില്ലെന്ന് തീരുമാനം*

യുഎസ് : കഴിഞ്ഞ ജനുവരിയിൽ ‘സിറ്റീസ് ചർച്ച്’പള്ളിയിലെ ആരാധന തടസ്സപ്പെടുത്തിയ പ്രതിഷേധക്കാർക്കെതിരെ സംസ്ഥാന തലത്തിൽ കേസുകളൊന്നും ഫയൽ ചെയ്യില്ലെന്ന് സെന്റ് പോൾ സിറ്റി അറ്റോർണി ഐറിൻ കാവോ പ്രഖ്യാപിച്ചു. യുഎസ് ഇമിഗ്രേഷൻ ആൻഡ് കസ്റ്റംസ് എൻഫോഴ്സ്മെന്റ് ഉദ്യോഗസ്ഥൻ കൂടിയായ വ്യക്തി പാസ്റ്ററായി സേവനമനുഷ്ഠിക്കുന്ന പള്ളിയാണിത്. തങ്ങളുടെ ഓഫീസ് പള്ളിയിലെ വീഡിയോ ദൃശ്യങ്ങളും അന്വേഷണ റിപ്പോർട്ടുകളും മറ്റ് അനുബന്ധ രേഖകളും വിശദമായി പരിശോധിച്ചതായും, എന്നാൽ പ്രതിഷേധക്കാർക്കെതിരെ കുറ്റം ചുമത്താൻ ആവശ്യമായ കൃത്യമായ തെളിവുകൾ കണ്ടെത്താൻ കഴിഞ്ഞില്ലെന്നും ഐറിൻ കാവോ വ്യക്തമാക്കി.

“ഈ തീരുമാനത്തെ നിയമവിരുദ്ധമായ പെരുമാറ്റത്തിനോ പൊതുജനമധ്യത്തിലെ അച്ചടക്കലംഘനത്തിനോ ഉള്ള ഒരു പിന്തുണയായി വ്യാഖ്യാനിക്കരുത്,” കാവോ മാധ്യമത്തോട് പറഞ്ഞു. “സമാധാനപരമായി പ്രതിഷേധിക്കാനുള്ള അവകാശം സംരക്ഷിക്കപ്പെട്ടിട്ടുള്ളതാണ്, അതുപോലെ തന്നെയാണ് ഒരാൾക്ക് സ്വന്തം മതവിശ്വാസം അനുസരിച്ച് ജീവിക്കാനുള്ള അവകാശവും” എന്ന് അവർ കൂട്ടിച്ചേർത്തു.