ഈ വർഷത്തെ ആഗോള ഭീകരവാദ സൂചികയിൽ പാക്കിസ്ഥാന് രണ്ടാം സ്ഥാനം

ഇസ്ലാമാബാദ് : 2025 ലെ ആഗോള ഭീകരവാദ സൂചികയിൽ പാക്കിസ്ഥാന് രണ്ടാം സ്ഥാനം. സൂചികയിൽ ബുർക്കിന ഫാസോയാണ് ഒന്നാം സ്ഥാനത്ത്. പട്ടികയിൽ ഇന്ത്യ പതിനാലാം സ്ഥാനത്താണ്.

സിഡ്നിയിലെ ഇൻസ്റ്റിറ്റ്യൂട്ട് ഫോർ ഇക്കണോമിക്സ് ആൻഡ് പീസ് പുറത്തിറക്കിയ റിപ്പോർട്ടിൽ പാകിസ്ഥാനിലെ ഭീകരാക്രമണങ്ങളുടെ വർദ്ധനവ് എടുത്തുകാണിക്കുന്നു. 2023 ലെ 517 ആക്രമണങ്ങളിൽ നിന്ന് 2024 ൽ 1,099 ആയി ഇത് ഇരട്ടിച്ചു. തെഹ്രീക്-ഇ-താലിബാൻ പാകിസ്ഥാന്റെയും (ടിടിപി) മറ്റ് തീവ്രവാദ ഗ്രൂപ്പുകളുടെയും വർദ്ധിച്ചുവരുന്ന സ്വാധീനമാണ് ഈ കുതിച്ചുചാട്ടത്തിന് കാരണമെന്ന് റിപ്പോർട്ട് പറയുന്നു.