ബസിലാക്കി ദ്വീപിലെ കുന്നുകൾ കയറി സ്നേഹദൂതുമായി അമ്മമാർ

നൈജീരിയ : പാപുവ ന്യൂ ഗിനിയയിലെ ഒറ്റപ്പെട്ട ബസിലാക്കി ദ്വീപിൽ നിന്ന് ഹൃദയസ്പർശിയായ ഒരു കാഴ്ച. കിലോമീറ്ററുകളോളം നീളുന്ന ദുർഘടമായ മലമ്പാതകളും കുന്നുകളും താണ്ടി,തങ്ങളുടെ ഗ്രാമത്തിലെ രോഗികളെയും പ്രായമായവരെയും തേടിയിറങ്ങുകയാണ് സെന്റ് ജോസഫ് ഇടവകയിലെ ഒരു കൂട്ടം വനിതകൾ. അന്താരാഷ്ട്ര വനിതാ ദിനാചരണത്തിന്റെ പശ്ചാത്തലത്തിൽ ദ്വീപിന്റെ വിദൂര കോണുകളിൽ കഴിയുന്ന അവശർക്ക് ആത്മീയവും ഭൗതികവുമായ താങ്ങായി മാറുകയാണ് ഈ സ്നേഹസംഘം.

മണിക്കൂറുകൾ നീളുന്ന കാൽനടയാത്രയ്ക്കൊടുവിൽ ഓരോ വീട്ടിലുമെത്തുന്ന ഈ സ്ത്രീകൾ കേവലം പ്രാർത്ഥനകൾ ചൊല്ലുക മാത്രമല്ല ചെയ്യുന്നത്. രോഗികൾക്കൊപ്പം സമയം ചെലവഴിക്കാനും അവരുടെ സങ്കടങ്ങൾ കേൾക്കാനും ലളിതമായ ആഹാരസാധനങ്ങൾ പങ്കുവെക്കാനും അവർ മറക്കുന്നില്ല. “ഈ യാത്ര കഠിനമാണ്, പക്ഷേ ഞങ്ങളെ കാത്തിരിക്കുന്ന ആ മുഖങ്ങളിലെ പുഞ്ചിരിയാണ് ഞങ്ങളുടെ കരുത്ത്” എന്ന് ഇടവക വികാരി ഫാ. ജെ.ആർ. അരേസ സാക്ഷ്യപ്പെടുത്തുന്നു. നോമ്പുകാലത്തെ ഈ ത്യാഗപൂർണ്ണമായ പ്രവർത്തനം ദ്വീപ് നിവാസികൾക്ക് വലിയൊരു പ്രത്യാശയാണ് നൽകുന്നത്.