ജി വി നഥനയേലിനു സാമ്പത്തിക ശാസ്ത്രത്തിൽ ഡോക്ടറേറ്റ് ലഭിച്ചു.

തിരുവനന്തപുരം : കവടിയാർ ഏ ജി സഭാ അംഗമായ ജി വി നഥനയേലിന് കാനഡയിലെ യൂണിവേഴ്സിറ്റി ഓഫ് ബ്രിട്ടീഷ് കൊളംബിയയിൽ നിന്ന് സാമ്പത്തികശാസ്ത്രത്തിൽ ഡോക്ടറേറ്റ് ലഭിച്ചു.റിസർവ് ബാങ്ക് ഓഫ് ഇന്ത്യ മുംബൈ സെൻട്രൽ ഓഫീസ് റിസെർച്ച് ഡിപ്പാർട്മെന്റ് ഡയറക്ടറും ആർ ബി ഐ ബുള്ളറ്റിൻ എഡിറ്ററുമാണ് നഥനയേൽ. കവടിയാർ ഏ ജി സഭാ ശുശ്രഷകനും ഏ ജി തിരുവനന്തപുരം വെസ്റ്റ് സെക്ഷൻ പ്രിസ്ബിറ്ററുമായ പാസ്റ്റർ എൻ ഗമാലിയേലിന്റെയും വിമലയുടെയും മകനാണ്. ആത്മീയ വിഷയങ്ങളിൽ ഏറെ പ്രാധാന്യം നൽകുന്ന ഡോ. നഥനയേൽ മുംബൈ അന്ധേരി ഏ ജി സഭസഹ ശുശ്രുഷകനുമാണ്.