ഫാ. ആനന്ദ് ചിറയത്തിന് ‘നവചേതന മീഡിയ അവാർഡ്’ സമ്മാനിച്ചു.

ഭോപ്പാൽ: വടക്കേ ഇന്ത്യയിലെ മാധ്യമ ശുശ്രൂഷാ രംഗത്ത് നൽകിയ മികച്ച സംഭാവനകൾ പരിഗണിച്ച് ഫാ. ആനന്ദ് ചിറയത്തിന് ഈ വർഷത്തെ ‘നവചേതന മീഡിയ അവാർഡ്’ സമ്മാനിച്ചു. ഭോപ്പാലിൽ വെച്ച് നടന്ന ചടങ്ങിൽ പ്രമുഖ സഭാനേതാക്കളുടെയും മാധ്യമ പ്രവർത്തകരുടെയും സാന്നിധ്യത്തിലാണ് പുരസ്‌കാരം കൈമാറിയത്.

കഴിഞ്ഞ ദശകങ്ങളായി വടക്കേ ഇന്ത്യയിലെ ഉൾനാടൻ മേഖലകളിൽ മാധ്യമങ്ങളിലൂടെ സുവിശേഷ സന്ദേശവും സാമൂഹിക അവബോധവും എത്തിക്കുന്നതിൽ ഫാ. ആനന്ദ് ചിറയത്ത് നിർണ്ണായക പങ്ക് വഹിച്ചിട്ടുണ്ട്. നവചേതന കമ്മ്യൂണിക്കേഷൻസിന്റെ ആഭിമുഖ്യത്തിൽ നൽകുന്ന ഈ പുരസ്‌കാരം, മാധ്യമ മേഖലയിൽ സത്യസന്ധവും ധാർമ്മികവുമായ പ്രവർത്തനങ്ങൾ നടത്തുന്നവർക്കുള്ള വലിയ അംഗീകാരമാണ്.