അറിഞ്ഞോ? പാസ്റ്റർ ഡോ. റ്റി. ജെ. സാമുവേൽ സാർ തന്നെ വീണ്ടും എ.ജി സഭയുടെ സൂപ്രണ്ട്!

​കൊട്ടാരക്കര: അസംബ്ലീസ് ഓഫ് ഗോഡ് മലയാളം സൂപ്രണ്ടായി പാസ്റ്റർ ഡോ. റ്റി. ജെ. സാമുവേലിനെ വീണ്ടും തിരഞ്ഞെടുത്തു. അസിസ്റ്റന്റ് സൂപ്രണ്ടായി പാസ്റ്റർ തോമസ് ഫിലിപ്പും, ജനറൽ സെക്രട്ടറിയായി പാസ്റ്റർ ജോസ് റ്റി. ജോർജും ഇനി സഭയുടെ കാര്യങ്ങൾ നോക്കി നടത്തും. പണമിടപാടുകൾ നോക്കാൻ ട്രഷററായി പാസ്റ്റർ യാഹ്ദത്ത്മണിയെയും, കമ്മിറ്റി മെമ്പറായി പാസ്റ്റർ ബാബു വർഗീസിനെയും (വീണ്ടും) സഭ തിരഞ്ഞെടുത്തു.

വാളകത്തെ ഓഡിറ്റോറിയത്തിൽ നടന്ന അസംബ്ലിസ് ഓഫ് ഗോഡ് മലയാളം ഡിസ്ട്രിക്ട് കൗൺസിൽ യോഗത്തിലാണ് തീരുമാനം. നമ്മുടെ നാട്ടിലെ തെക്ക്-വടക്ക് മേഖലകളിൽ നിന്നും, എന്തിന് ഗൾഫ് നാടുകളിൽ നിന്നുപോലും ആയിരത്തിലധികം സഭകളിൽ നിന്നുള്ള ദൈവദാസന്മാരും വിശ്വാസികളും അവിടെ ഒത്തുചേർന്നിരുന്നു. രാവിലെ തുടങ്ങിയ ആ വലിയ സംഗമം വൈകിട്ട് വരെ നീണ്ടുനിന്നു. എല്ലാവരും ഒരേ മനസ്സോടെയാണ് 2026-2028 കാലയളവിലേക്കുള്ള പുതിയ ഭാരവാഹികളെ തിരഞ്ഞെടുത്തത്.