ക്യൂബെക് സിറ്റി കൗൺസിൽ ചേംബറിൽ നിന്ന് കുരിശ് നീക്കി

ക്യൂബെക് സിറ്റി: ഭരണകൂടം മതപരമായി നിഷ്പക്ഷമായിരിക്കണം എന്ന തത്വം ശക്തിപ്പെടുത്തുന്നതിനായി ക്യൂബെക് സിറ്റി കൗൺസിൽ ചേംബറിൽ പ്രദർശിപ്പിച്ചിരുന്ന കുരിശ് നീക്കം ചെയ്യാൻ അധികൃതർ വോട്ട് ചെയ്തു. ജനാധിപത്യപരവും മതപരവുമായ നിഷ്പക്ഷത ഉൾക്കൊള്ളുന്ന ഇടത്തിന് കുരിശ് അനുയോജ്യമല്ലെന്ന് ഉൾപ്പെടുത്തൽ സംബന്ധിച്ച് മാസങ്ങളോളം ചർച്ച നടത്തിയ ഉപദേശക കമ്മീഷൻ നിഗമനം ചെയ്തിരുന്നു.

ഇതിന് പിന്നാലെയാണ് കൗൺസിലിന്റെ നിർണായക തീരുമാനം. വിവിധ കമ്മ്യൂണിറ്റി അംഗങ്ങളും തിരഞ്ഞെടുക്കപ്പെട്ട ഉദ്യോഗസ്ഥരും വെൻഡാറ്റ് നേഷൻ തലവനും ഉൾപ്പെട്ട കമ്മീഷൻ നിയമപരവും ചരിത്രപരവുമായ വിദഗ്ദ്ധരുമായി കൂടിയാലോചിച്ചാണ് ഈ തീരുമാനമെടുത്തത്. ശില്പി ജാക്ക് ബർഗോൾട്ട് രൂപകൽപ്പന ചെയ്ത ഈ കുരിശ് എത്‌നോ-ഹിസ്റ്റോറിക്കൽ പുരാവസ്തുക്കളുടെ ശേഖരത്തിലേക്ക് മാറ്റി സംരക്ഷിക്കുമെന്ന് സിബിസി റിപ്പോർട്ട് ചെയ്തു.