വിദേശ ഇടപെടലുകൾക്ക് പിന്നിൽ പ്രവർത്തിക്കുന്ന രാജ്യമാണ് ഇന്ത്യയെന്ന് കാനഡ

ടൊറന്റോ : ഇന്ത്യ വിദേശ ഇടപെടലുകൾക്ക് പിന്നിൽ പ്രവർത്തിക്കുന്ന രാജ്യമാണെന്ന് കനേഡിയൻ രഹസ്യാന്വേഷണ ഏജൻസി. കാനഡ ആതിഥേയത്വം വഹിച്ച ആഗോള ഉച്ചകോടിയിൽ ഇന്ത്യയുടെയും കാനഡയുടെയും പ്രധാനമന്ത്രിമാർ ബന്ധം ശക്തിപ്പെടുത്തുമെന്ന് പ്രതിജ്ഞയെടുത്തതിന് തൊട്ടുപിന്നാലെയാണ് കാനഡയുടെ പ്രസ്താവന.

ചൊവ്വാഴ്ച ആൽബെർട്ടയിൽ നടന്ന ജി7 ഉച്ചകോടിയിൽ കനേഡിയൻ പ്രധാനമന്ത്രി മാർക്ക് കാർണിയും പ്രധാനമന്ത്രി നരേന്ദ്ര മോദിയും തമ്മിൽ ഫലപ്രദമായ ചർച്ചകൾ നടന്നു. കഴിഞ്ഞ വർഷം പിൻവലിച്ച ഉന്നത നയതന്ത്രജ്ഞരെ പുനഃസ്ഥാപിക്കാൻ ഇരുവരും സമ്മതിച്ചിരുന്നു.