ആരാധന തടസ്സപ്പെടുത്തിയാൽ ഇനി അകത്താകും; കാലിഫോർണിയയിൽ നിയമം കടുക്കുന്നു

സാക്രമെന്റോ: കാലിഫോർണിയയിലെ പള്ളികളിലും മറ്റ് ആരാധനാലയങ്ങളിലും മനഃപൂർവ്വം തടസ്സങ്ങൾ സൃഷ്ടിക്കുന്നവർക്ക് കടുത്ത ശിക്ഷ ഉറപ്പാക്കുന്ന പുതിയ നിയമത്തിന് ആത്മീയ നേതാക്കളുടെ വൻ പിന്തുണ. പ്രമുഖ ക്രൈസ്തവ സഭാ നേതാക്കൾക്കൊപ്പം ഇതര മതമേലധ്യക്ഷന്മാരും കൈകോർത്താണ് ഈ നിയമനിർമ്മാണത്തിനായി രംഗത്തെത്തിയിരിക്കുന്നത്.

വിശ്വാസികൾക്ക് ഭയമില്ലാതെ ആരാധനകളിൽ പങ്കെടുക്കാൻ സാഹചര്യം ഒരുക്കുക എന്നതാണ് ഈ ബില്ലിന്റെ ലക്ഷ്യം. ആരാധന തടസ്സപ്പെടുത്തുന്നത് നിലവിൽ ചെറിയ കുറ്റമായാണ് കണക്കാക്കുന്നത്. എന്നാൽ പുതിയ നിയമം നിലവിൽ വരുന്നതോടെ ഇത് ഗുരുതരമായ കുറ്റകൃത്യമായി മാറുകയും കടുത്ത ശിക്ഷകൾ ലഭിക്കുകയും ചെയ്യും. സഭയ്ക്കുള്ളിൽ കയറി പ്രതിഷേധിക്കുന്നവർക്കും ഭീഷണിപ്പെടുത്തുന്നവർക്കും എതിരെ വിട്ടുവീഴ്ചയില്ലാത്ത നടപടി വേണമെന്ന് ‘പ്രൊട്ടക്റ്റ് വർഷിപ്പ്’ സഖ്യം ആവശ്യപ്പെട്ടു.