ദക്ഷിണ സുഡാനിൽ വീണ്ടും രക്തച്ചൊരിച്ചിൽ; 169 പേർ കൊല്ലപ്പെട്ടു

സുഡാൻ : ദക്ഷിണ സുഡാനിലെ റുവെങ് മേഖലയിൽ നടന്ന ആയുധധാരികളുടെ അപ്രതീക്ഷിത ആക്രമണത്തിൽ വൻ രക്തച്ചൊരിച്ചിൽ. സിവിലിയന്മാരും സൈനികരും ഉൾപ്പെടെ 169 പേർ കൊല്ലപ്പെട്ടതായാണ് ഏറ്റവും പുതിയ റിപ്പോർട്ടുകൾ.

അയൽസംസ്ഥാനമായ യൂണിറ്റി സ്റ്റേറ്റിൽ നിന്നുള്ള കലാപകാരികളാണ് ആക്രമണത്തിന് പിന്നിലെന്ന് സർക്കാർ ആരോപിച്ചു. കൊല്ലപ്പെട്ടവരിൽ ഭൂരിഭാഗവും സ്ത്രീകളും കുട്ടികളുമാണെന്ന വാർത്ത അന്താരാഷ്ട്ര സമൂഹത്തെ ഞെട്ടിച്ചിരിക്കുകയാണ്. സമാധാന ചർച്ചകൾ പുരോഗമിക്കുന്നതിനിടെയുണ്ടായ ഈ ആക്രമണം രാജ്യത്തെ സുരക്ഷാ സംവിധാനങ്ങളുടെ പരാജയമായാണ് വിലയിരുത്തപ്പെടുന്നത്.