ലഹരിവിരുദ്ധ സന്ദേശയാത്രക്ക് സമാപനമായി

കുമ്പനാട്: വർദ്ധിച്ചു വരുന്ന ലഹരി ഉപയോഗത്തിനെതിരെ എക്സൽ സോഷ്യൽ അവെയർനസ് മീഡിയയുടെ നേതൃത്വത്തിൽ കേരളം, കർണാടക, തമിഴ്നാട് എന്നീ സംസ്ഥാനങ്ങളിലായി നടത്തിവന്നിരുന്ന ലഹരിവിരുദ്ധ സന്ദേശയാത്രക്ക് സമാപനമായി. 2026 ജൂലൈ 13 തിങ്കളാഴ്ച രാവിലെ എക്സൽ മിനിസ്ട്രീസ് ഓഫീസിൽ നിന്നും ഡയറക്ടർ ബിനു വടശ്ശേരിക്കര ഉദ്ഘാടനം ചെയ്തു ആരംഭിച്ച യാത്ര കേരളം, കർണാടക, തമിഴ്നാട് എന്നീ സംസ്ഥാനങ്ങൾ പിന്നിട്ട് ജൂലൈ 29 നു സമാപിച്ചു. വിവിധ സ്കൂളുകൾ, നഴ്സിങ് കോളേജുകൾ എന്നിവിടങ്ങളിൽ ലഹരിക്കെതിരെയുള്ള ബോധവത്കരണ സന്ദേശങ്ങൾ നല്കി. എക്സൽ സോഷ്യൽ അവെയർനസ് മീഡിയ അഡ്മിനിസ്ട്രേറ്റർ സ്റ്റാൻലി എബ്രഹാം, ഡയറക്ടർ ബിതിൻ ബിജു, കോർഡിനേറ്റർ സ്റ്റെഫിൻ പി. രാജേഷ് എന്നിവർ നേതൃത്വം നല്കി. കർണാടകയിലെ ഹസൻ, മൈസൂർ, ബാംഗ്ലൂർ എന്നിവിടങ്ങളിലെ പ്രവർത്തനങ്ങൾക്കു കർണാടക കോർഡിനേറ്റർ ബ്ലെസ്സൻ മാത്യു നേതൃത്വം നല്കി. ടീം അംഗങ്ങളായ ജോബി കെ.സി, ഡെന്നി ജോൺ, ബ്രൈറ്റ് ഡാനിയൽ, ജെഫിൻ ജോണിക്കുട്ടി, അഭിഷേക് സിബി, ആഷേർ ബിനു എന്നിവരുടെ നേതൃത്വത്തിൽ ലഘുനാടകം, മാജിക് ഷോ, പപ്പറ്റ് ഷോ തുടങ്ങിയ വിവിധ മാധ്യമങ്ങളിലൂടെ ലഹരിവിരുദ്ധ സന്ദേശം നൽകി.