*തിരഞ്ഞെടുപ്പ് ലക്ഷ്യമിട്ട് ജോൺ കോർണിൻ: പ്രമുഖ ക്രൈസ്തവ നേതാക്കളെ ഉൾപ്പെടുത്തി ഉപദേശക സമിതി രൂപീകരിച്ചു*

ടെക്സസ് : ടെക്സസ് സെനറ്റർ ജോൺ കോർണിൻ, തന്റെ രാഷ്ട്രീയ എതിരാളിയായ കെൻ പാക്സ്റ്റണെ നേരിടുന്നതിന്റെ ഭാഗമായി പ്രമുഖ ക്രൈസ്തവ നേതാക്കളെ ഉൾപ്പെടുത്തി ഒരു പുതിയ ‘ഫെയ്ത്ത് അഡ്വൈസറി കൗൺസിൽ’ രൂപീകരിച്ചു. രാജ്യം പ്രക്ഷുബ്ധമായ സാഹചര്യങ്ങളിലൂടെ കടന്നുപോകുമ്പോൾ മൂല്യങ്ങളിലും സത്യസന്ധതയിലും അധിഷ്ഠിതമായ നേതൃത്വമാണ് ആവശ്യമെന്ന് കോർണിൻ പ്രസ്താവിച്ചു. സങ്കീർണ്ണമായ പ്രശ്നങ്ങൾ കൈകാര്യം ചെയ്യുമ്പോൾ ശരിയായ വ്യക്തികളുടെ ഉപദേശം തേടുക എന്നത് ഒരു നേതാവിനെ സംബന്ധിച്ചിടത്തോളം നിർണ്ണായകമാണെന്ന് അദ്ദേഹത്തിന്റെ പ്രചാരണ വിഭാഗം വ്യക്തമാക്കി.

ഈ ഉപദേശക സമിതിയിൽ ടെക്സസിലെ ഏറ്റവും പ്രശസ്തരായ ഇവാഞ്ചലിക്കൽ നേതാക്കളാണ് ഉൾപ്പെട്ടിരിക്കുന്നത്. പ്രശസ്ത എഴുത്തുകാരനായ മാക്സ് ലുക്കാഡോ, ഡോ. ജാക്ക് ഗ്രഹാം, പ്രസിഡന്റ് ട്രംപിന്റെ വിശ്വസ്തനായ ഫിൽ ഷുബെർട്ട്, ഡോ. റോബർട്ട് ജെഫ്രസ്, ഡോ. ഗസ് റെയ്സ് എന്നിവർ ഇതിൽ പ്രധാനികളാണ്. പ്രമുഖരായ ഈ ആത്മീയ നേതാക്കളുടെ പിന്തുണ കോർണിന്റെ രാഷ്ട്രീയ നീക്കങ്ങൾക്ക് A വലിയ കരുത്ത് പകരുമെന്നാണ് വിലയിരുത്തപ്പെടുന്നത്.