ആംഗ്ലിക്കൻ സഭയിൽ ഭരണപരിഷ്കാരം; ഗ്ലോബൽ സൗത്തിന് കൂടുതൽ അധികാരം

ബെൽജിയം : ആംഗ്ലിക്കൻ കമ്മ്യൂണിയൻ അതിന്റെ ചരിത്രത്തിലെ ഏറ്റവും വലിയ ഭരണപരിഷ്കാരങ്ങളിലേക്ക് നീങ്ങുന്നു. കാന്റർബറി ആർച്ച് ബിഷപ്പിന്റെ ആഗോള അധികാരങ്ങൾ പങ്കുവെക്കുന്നതിലൂടെ സഭയിലെ ബ്രിട്ടീഷ് അധിനിവേശ സ്വഭാവം അവസാനിപ്പിക്കാനാണ് ലക്ഷ്യം. ആഫ്രിക്കൻ-ഏഷ്യൻ രാജ്യങ്ങളിലെ സഭകൾക്ക് കൂടുതൽ പ്രാതിനിധ്യം നൽകുന്ന പുതിയ രീതി സഭയിലെ ആഭ്യന്തര ഭിന്നതകൾ പരിഹരിക്കാൻ സഹായിക്കുമെന്ന് ഐ എ എസ് സി യു എഫ് ഒ വിലയിരുത്തുന്നു.

ആംഗ്ലിക്കൻ സഭ എന്നാൽ ബ്രിട്ടീഷ് സഭയുമായുള്ള ബന്ധം മാത്രമല്ല മറിച്ച് പങ്കുവെക്കപ്പെട്ട വിശ്വാസ പാരമ്പര്യമാണെന്ന് പുതിയ നിർദ്ദേശങ്ങൾ അടിവരയിടുന്നു. സഭയിലെ ഭൂരിപക്ഷം വരുന്ന ഗ്ലോബൽ സൗത്ത് വിശ്വാസികളുടെ ശബ്ദത്തിന് കൂടുതൽ കരുത്ത് നൽകുന്ന ഈ പരിഷ്കാരങ്ങളോട് ചർച്ച് ഓഫ് ഇംഗ്ലണ്ട് എങ്ങനെ പ്രതികരിക്കുമെന്നാണ് ലോകം ഉറ്റുനോക്കുന്നത്.