ക്രൈസ്തവ ആദിവാസികളോടുള്ള ക്രൂരത അവസാനിപ്പിക്കാൻ നടപടി വേണം : യുണൈറ്റഡ് ക്രിസ്ത്യൻ ഫോറം

ഛത്തീ​സ്ഗ​ഡ്‌ :സംസ്ഥാനത്തെ ക്രൈ​സ്ത​വ ആ​ദി​വാ​സി സ​മൂ​ഹ​ത്തി​നെ​തിരേയുള്ള ആക്രമണങ്ങൾക്കു നേരെ ക​ർ​ശ​ന​ ന​ട​പ​ടി വേ​ണ​മെ​ന്ന് യു​ണൈ​റ്റ​ഡ് ക്രി​സ്ത്യ​ൻ ഫോ​റം. ക്രൈ​സ്ത​വ​രാ​യ ആ​ദി​വാ​സി​ക​ളെ ഹി​ന്ദുമ​ത​ത്തി​ലേ​ക്കു പ​രി​വ​ർ​ത്ത​നം ചെ​യ്യു​ന്ന​തി​ന് സം​ഘ​ടി​ത​ശ്രമം ന​ട​ക്കു​ന്ന​താ​യും യു​ണൈ​റ്റ​ഡ് ക്രി​സ്ത്യ​ൻ ഫോ​റ​ത്തി​ന്‍റെ വ​സ്തു​താ​ന്വേ​ഷ​ണ സം​ഘം ചൂണ്ടിക്കാട്ടി. മ​റ്റു സ​മു​ദാ​യ​ങ്ങ​ളെപ്പോ​ലെ ആ​ദി​വാ​സി സ​മൂ​ഹ​ത്തി​നും സ്വ​ന്തം മ​തം തെ​ര​ഞ്ഞെ​ടു​ക്കു​ന്ന​തി​നു​ള്ള അ​വ​കാ​ശം ഭ​ര​ണ​ഘ​ട​ന അ​നു​വ​ദി​ക്കു​ന്ന സാ​ഹ​ച​ര്യ​ത്തി​ൽ ആ​ദി​വാ​സി സ​മൂ​ഹ​ത്തി​നുനേരേ ന​ട​ക്കു​ന്ന അ​ക്ര​മം നി​യ​മ​വി​രു​ദ്ധ​മാ​ണ്. ഛത്തീ​സ്ഗ​ഡി​ലെ നാ​രാ​യ​ണ്‍​പു​ർ, കൊ​ണ്ട​ഗാ​വ് ജി​ല്ല​ക​ളി​ലെ ഗ്രാ​മ​ങ്ങ​ളി​ൽ ഡി​സം​ബ​ർ ഒ​ൻ​പ​ത് മു​ത​ൽ ന​ട​ന്ന ആ​ക്ര​മ​ണ​ങ്ങ​ളി​ൽ 1,000 ക്രൈ​സ്ത​വ ആ​ദി​വാ​സി​ക​ളെ​ങ്കി​ലും അ​ക്ര​മം നേ​രി​ട്ട​താ​യാ​ണ് വ​സ്തു​താ​ന്വേ​ഷ​ണ സം​ഘ​ത്തി​ന്‍റെ റി​പ്പോ​ർ​ട്ട്. ഗ്രാ​മമു​ഖ്യ​ന്മാ​ർ, ക്രൈ​സ്ത​വ​ര​ല്ലാ​ത്ത പ്ര​ദേ​ശ​വാ​സി​ക​ൾ എ​ന്നി​വ​രി​ൽ നി​ന്ന് വ​സ്തു​താ​ന്വേ​ഷ​ണ സം​ഘം വി​വ​ര​ങ്ങ​ൾ തേ​ടി​യി​രു​ന്നു. ക്രിസ്തുമതം സ്വീ​ക​രി​ച്ച ആ​ദി​വാ​സി​ക​ൾ ഹി​ന്ദു​മ​ത​ത്തി​ലേ​ക്ക് പ​രി​വ​ർ​ത്ത​നം ചെ​യ്തി​ല്ലെ​ങ്കി​ൽ പ്ര​ത്യാ​ഘാ​ത​ം നേ​രി​ടേ​ണ്ടിവ​രു​മെ​ന്നാ​യി​രു​ന്നു അ​ക്ര​മി​ക​ളു​ടെ ഭീ​ഷ​ണി. പ​രി​വ​ർ​ത്ത​ന​ത്തി​നു തയാറാകാത്തവർ മ​രി​ക്കു​ന്ന​തി​നോ ഗ്രാ​മം ഉ​പേ​ക്ഷി​ച്ചു പോ​കു​ന്ന​തി​നോ ത​യാറാ​ക​ണ​മെ​ന്നും അ​ക്ര​മി​ക​ൾ ഭീ​ഷ​ണി​പ്പെ​ടു​ത്തി. ഗ്രാ​മ​വാ​സി​ക​ൾ പോ​ലീ​സി​നെ സ​മീ​പി​ച്ചു​വെ​ങ്കി​ലും പ​രാ​തി ര​ജി​സ്റ്റ​ർ ചെ​യ്യാനോ നടപടി സ്വീകരിക്കാനോ പോ​ലീ​സും ബ​ന്ധ​പ്പെ​ട്ട ഉ​ദ്യോ​ഗ​സ്ഥ​രും ത​യാ​റാ​യി​ല്ല. അ​ക്ര​മി​ക​ൾ പ്ര​ച​രി​പ്പി​ക്കു​ന്ന വാ​ദ​ങ്ങ​ൾ ക​ണ​ക്കി​ലെ​ടു​ത്ത് അ​ക്ര​മ​ത്തി​നി​ര​യാ​യ​വ​രോ​ട് ഉ​ദ്യോ​ഗ​സ്ഥ​ർ ത​ണു​പ്പ​ൻ​ന​യ​മാ​ണ് സ്വീ​ക​രി​ക്കു​ന്ന​തെ​ന്നും വ​സ്തു​താ​ന്വേ​ഷ​ണ സം​ഘം ക​ണ്ടെ​ത്തിയിരുന്നു.
അ​ക്ര​മം ന​ട​ന്ന ഗ്രാ​മ​ങ്ങ​ളും അ​ക്ര​മം നേ​രി​ട്ട​വ​ർ താ​മ​സി​ക്കു​ന്ന ദു​രി​താ​ശ്വാ​സ ക്യാ​മ്പുക​ളും സ​ന്ദ​ർ​ശി​ച്ചാ​ണ് റി​പ്പോ​ർ​ട്ട് ത​യാ​റാക്കി​യ​ത്.