Official Website

ഇന്ത്യ ദൈവസഭ ആലുവ സെൻറർ പാസ്റ്ററും, സ്റ്റേറ്റ്  ക്രഡൻഷ്യൽ ബോർഡ് ഡയറക്ടറും കളമശ്ശേരി സഭാ ശുശ്രൂഷകനും മുൻ കൗൺസിൽ മെമ്പറുമായ പാസ്റ്റർ ക്രിസ്റ്റഫർ  ടി രാജു(50) നിത്യതയിൽ ചേർക്കപ്പെട്ടു.

0 901

രക്തസമ്മർദ്ധം ഉയർന്നതിനെ തുടർന്ന് എറണാകുളം ആസ്റ്റർ മെഡിസിറ്റിയിൽ (30-08-21) ചികിൽസയിൽ തുടരവെ ഇന്ന് (31-08-21) രാവിലെ ആയിരുന്നു അന്ത്യം.
ഓമല്ലൂർ, കുടയത്തൂർ, കോട്ട, നെടുങ്കണ്ടം, തൃശ്ശൂർ, കളമശ്ശേരി എന്നീ സഭകളിലായി കഴിഞ്ഞ് മൂന്ന് പതിറ്റാണ്ടുകളായി ദൈവസഭാ ശുശ്രൂഷകനായി സേവനം ചെയ്തിരുന്നു. വൈ. പി. ഇ.യുടെ സ്റ്റേറ്റ് ബോർഡിൽ ദീർഘവർഷം പ്രവർത്തിക്കുകയും; ക്രിഡൻഷ്യൽ ഡിപ്പാർട്ട്മെന്റിന്റെ ഡയറക്ടറായി നിയമിതനാകുകയും ചെയ്ത പാസ്റ്റർ ക്രിസ്റ്റഫർ റ്റി രാജു രണ്ടു തവണ സ്റ്റേറ്റ് കൗൺസിൽ മെമ്പർ ആയി തിരഞ്ഞെടുക്കപ്പെട്ടിരുന്നു.
അടിവാരം സ്വദേശി ആയ ഇദ്ദേഹം പ്രാരംഭത്തിൽ കുമളി ദൈവസഭയുടെ അംഗം ആയിരുന്നു.

ഭാര്യ : ഷൈനി. മക്കൾ: ബെസലേൽ, നഥനയേൽ, ദാനിയേൽ.
ദൈവസഭാ ശുശ്രൂഷകനായ പാസ്റ്റർ റെജി റ്റി രാജു സഹോദരനും പാസ്റ്റർമാരായ എം ജെ മോനച്ചൻ, ബൈജു തങ്കച്ചൻ, ജോർജ്ജ്കുട്ടി റ്റി., പി. വി. ചെറിയാൻ, റെജി കുര്യൻ എന്നിവർ ബന്ധുക്കളും ആണ്.
സംസ്ക്കാര ശുശ്രൂഷകൾ കളമശ്ശേരി ദൈവസഭയുടെ ആഭിമുഖ്യത്തിൽ 03-09-2021നു നടക്കും.

Comments
Loading...
%d bloggers like this: