മ്യാൻമറിൽ 7.7 തീവ്രതയുള്ള വൻ ഭൂചലനം
നീപെഡോ : മ്യാൻമറിൽ 7.7 തീവ്രതയുള്ള വൻ ഭൂചലനം. വെള്ളിയാഴ്ച ഉച്ചയ്ക്ക് ഏകദേശം 12 :50 നാണ് ഭൂചലനം ഉണ്ടായത്. പിന്നാലെ 6.8 തീവ്രത രേഖപ്പെടുത്തിയ മറ്റൊരു ഭൂചലനമുണ്ടായെന്നും റിപ്പോർട്ടുകളുണ്ട്.
മാൻ്റലെയിൽ നിന്ന് 17.2 കിലോമീറ്റർ അകലെയുള്ള നഗരമാണ് ഭൂചലനത്തിൻറെ പ്രഭവകേന്ദ്രം. 15 ലക്ഷം ജനസംഖ്യയുള്ള ഇവിടം മ്യാൻമറിൽ ഏറ്റവും കൂടുതൽ ആളുകൾ താമസിക്കുന്ന രണ്ടാമത്തെ ഇടമാണ്. ഇതുവരെ ആളപായമൊന്നും റിപ്പോർട്ട് ചെയ്‌തിട്ടില്ല. നാശനഷ്‌ടങ്ങളുടെ കൃത്യമായ വിവരവും പുറത്തുവന്നിട്ടില്ല. ബാങ്കോക്കിലും ചൈനയിലെ യുനാൻ പ്രവിശ്യയിലും മെട്രോ, റെയിൽ സർവീസുകൾ നിർത്തിവച്ചു.
