മതനിന്ദ ആരോപിച്ച് ക്രിസ്ത്യൻ യുവാവിനെ അറസ്റ്റ് ചെയ്തു

ലാഹോർ: ഫേസ്‌ബുക്കിൽ ഒരു പോസ്റ്റ് ഷെയർ ചെയ്തതിന്, ഇസ്‌ലാമിനെ അവഹേളിച്ചുവെന്ന് മുഹമ്മദ് അവായിസ് എന്ന മുസ്ലിം ആരോപിച്ചതിനെത്തുടർന്ന്, ചക് 98 ഷുമാലി ഗ്രാമത്തിലെ 35 കാരനായ സാക്കി മസിഹിനെതിരെ, സർഗോധ പോലീസ് ദൈവനിന്ദ കേസ് രജിസ്റ്റർ ചെയ്തു.10 വർഷം വരെ തടവോ പിഴയോ അല്ലെങ്കിൽ രണ്ടും കൂടിയോ ലഭിക്കാവുന്ന പാക്കിസ്ഥാന്റെ മതനിന്ദ നിയമങ്ങളിലെ സെക്ഷൻ 295-എ പ്രകാരമാണ് പോലീസ് സാക്കി മസിഹിനെ അറസ്റ്റ് ചെയ്തത്. മതവികാരം വ്രണപ്പെടുത്തിയതിനെതിരെ സെക്ഷൻ 298 പ്രകാരം ഒരു വർഷം വരെ തടവോ പിഴയോ രണ്ടും കൂടിയോ ലഭിക്കാവുന്ന കുറ്റവും ചുമത്തിയിട്ടുണ്ട്. സാക്കി മസീഹും കുടുംബവും യുണൈറ്റഡ് പ്രെസ്ബിറ്റീരിയൻ ചർച്ചിലെ വിശ്വാസികളാണ്.

പരാതിക്കാരനും സുഹൃത്തുക്കളും സാകി മസിഹിനെതിരെ പിന്തുണ പ്രഖ്യാപിക്കാൻ നിരവധി മുസ്ലീങ്ങളെ സമീപിച്ചിരിക്കുകയാണ്. എന്നാൽ സുഹൃത്തുക്കൾ വിദ്വേഷം വളർത്തുന്നതിൽ നിന്ന് അവായിസിനെ നിരുത്സാഹപ്പെടുത്തി.”ഇസ്ലാമിനെ അപകീർത്തിപ്പെടുത്തുന്ന ഒന്നും പോസ്റ്റിൽ ഇല്ലെന്നും, മതപരമായ സംഘർഷം ഉണ്ടാക്കുന്നതിൽ നിന്ന് വിട്ടുനിൽക്കണമെന്നും ഗ്രാമത്തിലെ മസ്ജിദിലെ ഇമാം അവരോട് പറഞ്ഞു,” പോലീസ് മസീഹിന്റെ കട റെയ്ഡ് ചെയ്യുകയും കസ്റ്റഡിയിലെടുക്കുകയും ചെയ്തു. ആരോപണങ്ങൾ ചക് 98 ഷുമാലി ഗ്രാമത്തിലെ ക്രിസ്ത്യാനികൾക്കിടയിൽ പരിഭ്രാന്തി സൃഷ്ടിച്ചു, എന്നാൽ മുസ്ലീം നേതാക്കളുടെ സമയോചിതമായ ഇടപെടൽ പരിഭ്രാന്തിയും പലായനവും തടഞ്ഞു.

മതനിന്ദാ ആരോപണങ്ങളിൽ പോലീസ് ആവർത്തിച്ച് നിയമങ്ങൾ ലംഘിക്കുന്നതായി അഭിഭാഷകൻ വിമർശിച്ചു.”ഏതെങ്കിലും വ്യക്തിക്കെതിരെ മതനിന്ദ ആരോപണം ഉയർന്നാൽ, ശരിയായ അന്വേഷണവും നിയമനടപടികളും പാലിക്കാതെ പോലീസ് നേരിട്ട് കേസെടുക്കുന്നത് ഒരു പതിവാണ്, പ്രതികാരത്തിന്റെ ആയുധമായി ദൈവനിന്ദ നിയമങ്ങൾ പലപ്പോഴും ഉപയോഗിക്കുന്നു. ഓപ്പൺ ഡോർസിന്റെ 2023-ലെ വേൾഡ് വാച്ച് ലിസ്റ്റിൽ പാകിസ്ഥാൻ ഏഴാം സ്ഥാനത്താണ്, ക്രിസ്ത്യാനികൾക്ക് ഏറ്റവും ബുദ്ധിമുട്ടുള്ള രാജ്യങ്ങളുടെ പട്ടികയിൽ കഴിഞ്ഞ വർഷം എട്ടാം സ്ഥാനത്തായിരുന്നു. ഒരു ആൾക്കൂട്ടത്തെ കലാപത്തിന് പ്രേരിപ്പിക്കാനും കള്ളക്കേസിൽ പ്രതികളായവരെ തല്ലിക്കൊന്നതിനും ഒരു ആരോപണം മാത്രം മതി. സെന്റർ ഫോർ സോഷ്യൽ ജസ്റ്റിസിന്റെ കണക്കനുസരിച്ച് മതനിന്ദാ നിയമങ്ങൾ പ്രകാരം 1,949 പേരെങ്കിലും പ്രതികളായിട്ടുണ്ട്.
ഈ മതനിന്ദ കേസുകളിൽ വലിയൊരു വിഭാഗം ഇപ്പോഴും നീതിക്കായി കാത്തിരിക്കുകയാണ്. സാക്കി ഇപ്പോൾ ജുഡീഷ്യൽ കസ്റ്റഡിയിലാണ്, ഈ ആഴ്ച ജാമ്യത്തിനായി ഫയൽ ചെയ്യും