*ലോകകപ്പിനൊപ്പം അന്താരാഷ്ട്ര ബൈബിൾ ചലഞ്ചുമായി യുവിഷൻ ആപ്പ്*

യുഎസ് : ലോകത്തിലെ ഏറ്റവും വലിയ ബൈബിൾ ആപ്ലിക്കേഷനായ ‘യുവിഷൻ’ ലോകകപ്പ് ഫുട്ബോളിനോടനുബന്ധിച്ച് ഒരു അന്താരാഷ്ട്ര തിരുവചന ചലഞ്ച് ആരംഭിക്കുന്നു. ഇതുവരെ 100 കോടിയിലധികം തവണ ഡൗൺലോഡ് ചെയ്യപ്പെട്ടിട്ടുള്ള യുവിഷൻ, ജൂൺ 11 മുതൽ ജൂലൈ 19 വരെയാണ് തങ്ങളുടെ ‘മിഡ്-ഇയർ ബൈബിൾ ലീഗ്’ സംഘടിപ്പിക്കുന്നത്. ബ്രസീലിന്റെ കാക്ക, കൊളംബിയയുടെ യുവാൻ ക്വാഡ്രാഡോ, മെക്സിക്കോയുടെ സാന്റിയാഗോ ജിമെനെസ്, ഉറുഗ്വേയുടെ റൊണാൾഡ് അരൗഹോ, ഇറ്റലിയുടെ ജോർജീഞ്ഞോ തുടങ്ങിയ പ്രശസ്ത ഫുട്ബോൾ താരങ്ങളുടെ സാക്ഷ്യപ്പെടുത്തലുകൾ ഈ ചലഞ്ചിന്റെ ഭാഗമായി ഉൾപ്പെടുത്തിയിട്ടുണ്ട്. ഏത് രാജ്യക്കാരാണ് തിരുവചന വായനയിൽ ഏറ്റവും കൂടുതൽ സമയം ചെലവഴിക്കുന്നത് എന്ന് വിലയിരുത്തുന്നതാണ് ഈ ടൂർണമെന്റ്.

തുടർച്ചയായി ഏഴ് ദിവസം ബൈബിൾ ആപ്പ് തുറന്ന് വായിക്കുന്ന ഉപയോക്താക്കൾക്ക് ഒരു പ്രത്യേക ബാഡ്ജ് ലഭിക്കുകയും ആഗോള ചലഞ്ചിൽ തങ്ങളുടെ രാജ്യത്തെ പ്രതിനിധീകരിക്കാൻ അവസരം ലഭിക്കുകയും ചെയ്യും.