ഗാസ വെടിനിർത്തൽ ചർച്ച: ഖത്തറിലേക്ക് ഒരു പ്രതിനിധി സംഘത്തെ അയയ്ക്കുന്നതായി ഹമാസ്
ഗാസ : ഗാസയിലെ യുദ്ധവുമായി ബന്ധപ്പെട്ട് ഇസ്രായേലുമായി പരോക്ഷ വെടിനിർത്തൽ ചർച്ചകൾ തുടരാൻ ഹമാസ് ഗൾഫ് രാജ്യമായ ഖത്തറിലേക്ക് ഒരു പ്രതിനിധി സംഘത്തെ അയയ്ക്കുന്നതായി ഹമാസ് ഉദ്യോഗസ്ഥൻ തിങ്കളാഴ്ച അറിയിച്ചു. അടുത്ത ദിവസങ്ങളിൽ കെയ്‌റോയിൽ പുതിയ വെടിനിർത്തൽ കരാറിൻ്റെ നിബന്ധനകൾ ചർച്ച ചെയ്യുകയാണെന്ന് ഹമാസ് ഉദ്യോഗസ്ഥൻ പറഞ്ഞു.
ഗാസയിൽ തടവിലാക്കിയ 8 മുതൽ 10 വരെ ഇസ്രായേൽ ബന്ദികളെ മോചിപ്പിക്കാനുള്ള ഹമാസിൻ്റെ നിർദ്ദേശവും ഇതിൽ ഉൾപ്പെടുന്നു. എന്നാൽ പുതിയ കരാർ യുദ്ധം അവസാനിപ്പിക്കുമോ എന്ന ചോദ്യവുമായി ഹമാസ് ഉദ്യോഗസ്ഥൻ രംഗത്തെത്തി. ഖത്തറിലെ ചർച്ചകൾ ഈ ആഴ്ച അവസാനമോ അടുത്ത ദിവസങ്ങളിലോ നടക്കുമെന്ന് പ്രതീക്ഷിക്കുന്നതായി ഉദ്യോഗസ്ഥർ പറഞ്ഞു. മാധ്യമങ്ങളുമായി ചർച്ചയുടെ തന്ത്രപ്രധാനമായ വശങ്ങൾ ചർച്ച ചെയ്യാൻ അധികാരമില്ലാത്തതിനാൽ പേര് വെളിപ്പെടുത്തരുതെന്ന നിബന്ധനയിലാണ് ഹമാസ് ഉദ്യോഗസ്ഥൻ സംസാരിച്ചത്.
വാർത്ത: പാ. ഫ്രെഡി കൂർഗ്
