ചൈനയുമായി ഒരുമിച്ച് തങ്ങൾ പല പ്രശ്നങ്ങളും പരിഹരിക്കുമെന്ന് അമേരിക്ക
വാഷിംഗ്ടണ്‍ : ചൈനയുമായി ഒരുമിച്ച് തങ്ങൾ പല പ്രശ്നങ്ങളും പരിഹരിക്കുമെന്ന് നിയുക്ത അമേരിക്കൻ പ്രസിഡന്റ് ഡൊണാള്‍ഡ് ട്രംപ്. ചൈനീസ് പ്രസിഡന്റ് ഷി ജിന്‍പിംഗുമായി ടെലഫോണില്‍ ചര്‍ച്ച നടത്തിയതിന് പിന്നാലെയാണ് ട്രംപ് ഇപ്രകാരം പറഞ്ഞത്.
ക്രിയാത്മകമായ സംഭാഷണമാണ് നടന്നതെന്നും ട്രംപ് പറഞ്ഞു. ‘ചൈനയ്ക്കും അമേരിക്കയ്ക്കും ഈ കോള്‍ വളരെ നല്ല ഒന്നായിരുന്നു. ഞങ്ങള്‍ ഒരുമിച്ച് പല പ്രശ്നങ്ങളും പരിഹരിക്കുമെന്നും ഉടനടി അത് ആരംഭിക്കാമെന്നും എന്റെ പ്രതീക്ഷയാണ്. വ്യാപാരം, ഫെന്റനൈല്‍, ടിക് ടോക്ക് എന്നിവയും മറ്റ് പല വിഷയങ്ങളും സന്തുലിതമാക്കുന്നതിനെക്കുറിച്ച് ഞങ്ങള്‍ ചര്‍ച്ച ചെയ്തു’ ട്രംപ് പറഞ്ഞു.
