ത്രിദിന ക്രിസ്ത്യൻ സമ്മേളനത്തിൽ പങ്കെടുത്ത്‌ അരുണാചൽ മുഖ്യമന്ത്രി പേമ ഖണ്ഡു
ഇന്ദിരാഗാന്ധി പാർക്കിൽ അരുണാചൽ ക്രിസ്ത്യൻ ഫോറം (എസിഎഫ്) സംഘടിപ്പിച്ച ത്രിദിന പ്രാർത്ഥനാ യോഗത്തിൽ ലക്ഷക്കണക്കിന് ആളുകൾ ഒത്തുകൂടി. സാങ്കേതിക വിദ്യയിൽ യുവാക്കളെ വളർത്തുകയും വേണമെന്ന് ഡോ. പോൾ ദിനകരൻ അദ്ദേഹത്തിന്റെ പ്രസംഗത്തിൽ പറഞ്ഞു. ഉദ്ഘാടന പരിപാടിയിൽ മുഖ്യമന്ത്രി പേമ ഖണ്ഡു, ആഭ്യന്തര മന്ത്രി ബമാങ് ഫെലിക്‌സ്, ആർഡബ്ല്യുഡി മന്ത്രി ഹോഞ്ചുൻ നഗന്ദം, എംഎൽഎമാരായ ടെച്ചി കാസോ, ബാലോ രാജ, ലൈസം സിമായി, ഐഎംസി മേയർ ടേം ഫാസാങ് എന്നിവർ പങ്കെടുത്തു.
മയക്കുമരുന്ന് വിപത്ത് ഉൾപ്പെടെയുള്ള സാമൂഹിക വെല്ലുവിളികൾ നേരിടാൻ ആഹ്വാനം ചെയ്ത മുഖ്യമന്ത്രി, തിരഞ്ഞെടുപ്പ് കാലത്ത് പണസംസ്കാരം ഒഴിവാക്കാനുള്ള എസിഎഫിന്റെ സംരംഭത്തെ അഭിനന്ദിച്ചു. അടുത്ത വർഷം അരുണാചൽ പ്രദേശിൽ ജനാധിപത്യത്തിന്റെ ഉത്സവമായതിനാൽ പ്രാർത്ഥനാ സമ്മേളനം നടത്താൻ അനുകൂലമായ സമയമാണിതെന്ന്, ഖണ്ഡു പറഞ്ഞു
വിദ്യാഭ്യാസ മേഖലയിൽ ക്രിസ്ത്യൻ സമൂഹത്തിന് മുഖ്യമന്ത്രി നൽകിയ ഉദാരമായ സംഭാവനകളെ എസിഎഫ് പ്രസിഡന്റ് തർ മിരി അഭിനന്ദിക്കുകയും സംസ്ഥാനത്തെ ക്രിസ്ത്യൻ സ്‌കൂളുകൾക്കായി മുഖ്യമന്ത്രി രണ്ട് തവണ അഞ്ച് കോടി രൂപ അനുവദിച്ചിട്ടുണ്ടെന്നും അറിയിച്ചു.
എല്ലാ വർഷവും ക്രിസ്ത്യൻ സ്കൂളുകൾക്ക് ധനസഹായം നൽകുന്നത് തുടരുമെന്ന് ഖണ്ഡു പറഞ്ഞു. തിരഞ്ഞെടുപ്പുകളിൽ പണസംസ്കാരം ഇല്ലാതാക്കണമെന്നും വികസനത്തിന്റെ അടിസ്ഥാനത്തിൽ വോട്ട് ചെയ്യണമെന്നും പേമ ഖണ്ഡു മാധ്യമങ്ങളോട് പറഞ്ഞു. സംസ്ഥാനത്ത് സാമുദായിക സൗഹാർദം നിലനിർത്തുമെന്നും മുഖ്യമന്ത്രി ഉറപ്പുനൽകി.