കുടിയേറ്റക്കാര്‍ക്ക് പൌരത്വം നല്കാൻ കേന്ദ്ര സര്‍ക്കാര്‍
ക്രിസ്ത്യന്‍, ഹിന്ദു, സിഖ്, ബുദ്ധ, ജൈന, പാഴ്സി എന്നീ വിഭാഗത്തില്‍പെട്ടവര്‍ക്കാണ് പൌരത്വം നല്‍കുന്നത്
അഹമ്മദാബാദ്: അഫ്ഗാനിസ്ഥാന്‍ , ബംഗ്ളാദേശ്, പാക്കിസ്ഥാന്‍ എന്നിവിടങ്ങളില്‍നിന്ന് കുടിയേറിയ ന്യൂനപക്ഷങ്ങള്‍ക്ക് ഇന്ത്യന്‍ പൌരത്വം നല്‍കാന്‍ കേന്ദ്ര സര്‍ക്കാര്‍ തീരുമാനം. പൌരത്വ ഭേദഗതി നിയമത്തിന് പകരം 1955-ലെ പൌരത്വ നിയമത്തിന് കീഴിലാണ് ഇത് അനുവദിച്ചിരിക്കുന്നത് ഗുജറാത്തിലെ ആനന്ദ്, മെഹ്സാന ജില്ലകളില്‍ സ്ഥിരതാമസമാക്കിയ ക്രിസ്ത്യന്‍, ഹിന്ദു, സിഖ്, ബുദ്ധ, ജൈന, പാഴ്സി എന്നീ വിഭാഗത്തില്‍പെട്ടവര്‍ക്കാണ് പൌരത്വം നല്‍കുന്നത്.
അപേക്ഷകള്‍ ഓണ്‍ലൈനായി സമര്‍പ്പിക്കണം. അപേക്ഷകന് പൌരത്വത്തിന് അര്‍ഹതയുണ്ടോ എന്ന കാര്യത്തില്‍ ആവശ്യമായ പരിശോധനകള്‍ക്കായി കളക്ടര്‍ അന്വേഷണം നടത്തും. അപേക്ഷയും അതിലെ റിപ്പോര്‍ട്ടുകളും ഒരേ സമയം കേന്ദ്ര സര്‍ക്കാരിന് ഓണ്‍ലൈനായി പരിശോധിക്കാനാകും. അന്വേഷണം പൂർത്തിയാക്കിയ ശേഷം, കളക്ടർ, രജിസ്ട്രേഷൻ അല്ലെങ്കിൽ നാച്ചുറലൈസേഷൻ വഴി അപേക്ഷകന് ഇന്ത്യൻ പൗരത്വം നൽകുകയും രജിസ്ട്രേഷൻ അല്ലെങ്കിൽ നാച്ചുറലൈസേഷൻ സർട്ടിഫിക്കറ്റ് നൽകുകയും ചെയ്യുന്നു. 2019 ഡിസംബറിൽ സിഎഎ പാർലമെന്റ് പാസാക്കിയതിനെ തുടർന്ന് രാഷ്ട്രപതിയുടെ അംഗീകാരത്തിനു ശേഷം രാജ്യത്തിന്റെ ചില ഭാഗങ്ങളിൽ വൻ പ്രതിഷേധങ്ങളുണ്ടായി. പ്രതിഷേധത്തിനിടെ നൂറിലധികം പേർക്ക് ജീവൻ നഷ്ടപ്പെട്ടു. എങ്കിലും സിഎഎ ഇതുവരെ നടപ്പാക്കിയിട്ടില്ല, അതിന് കീഴിലുള്ള നിയമങ്ങൾ ഇനിയും രൂപീകരിക്കേണ്ടതുണ്ട്. അപേക്ഷകൾ സമർപ്പിക്കാൻ രാജ്യസഭയിൽ നിന്ന് 2022 ഡിസംബർ 31 വരെ അനുമതി ലഭിച്ചപ്പോൾ ലോക്‌സഭ 2023 ജനുവരി 9 വരെ സമയം അനുവദിച്ചു. പ്രസ്തുത ന്യൂനപക്ഷങ്ങൾക്ക് പൗരത്വം നൽകാൻ ജില്ലാ കളക്ടർമാർക്ക് അധികാരം ഉള്ളതിനാൽ ഗുജറാത്ത് തെരഞ്ഞെടുപ്പിനോടനുബന്ധിച്ചാണ് ഈ നീക്കം. മുൻവര്‍ഷങ്ങളില്‍ ഗുജറാത്ത്, ഛത്തീസ്ഗഢ്, രാജസ്ഥാന്‍, ഹരിയാന, പഞ്ചാബ് എന്നീ സംസ്ഥാനങ്ങളില്‍ ഇന്ത്യന്‍ പൌരത്വം അനുവദിക്കാന്‍ ജില്ലാ കളക്ടര്‍മാര്‍ക്ക് കേന്ദ്ര ആഭ്യന്തര മന്ത്രാലയം അധികാരം നല്‍കിയിരുന്നു.