ഹാഗിയ സോഫിയയെ മോസ്ക്കാക്കി മാറ്റിയിട്ട് 2 വര്ഷം
ഇസ്താംബൂള്: ആയിരത്തിഅഞ്ഞൂറോളം വര്ഷം പഴക്കമുള്ള ദേവാലയം മുസ്ലിം പള്ളിയാക്കി മാറ്റരുതെന്ന് അന്താരാഷ്ട്രതലത്തില് വലിയ സമ്മര്ദ്ധം ഉണ്ടായിരുന്നിട്ടും, ആഗോള സമൂഹത്തിന്റെയും ഭരണകൂടങ്ങളുടെയും ശക്തമായ എതിര്പ്പിനെ വകവെക്കാതെ പുരാതന ക്രൈസ്തവ ദേവാലയമായിരിന്ന ഹാഗിയ സോഫിയയെ മോസ്ക്കാക്കി മാറ്റിയ ഉത്തരവില് തുര്ക്കി പ്രസിഡന്റ് തയിബ് എര്ദോഗന് ഒപ്പുവെച്ചിട്ട് ഇന്നേക്ക് രണ്ടുവര്ഷം. 2020 ജൂലൈ 10നാണ് ആധുനിക തുര്ക്കിയുടെ പിതാവായ മുസ്തഫ കമാല് അതാതുര്ക്ക് – ഹാഗിയ സോഫിയയെ നിയമവിരുദ്ധമായിട്ടാണ് മ്യൂസിയമാക്കി മാറ്റിയതെന്ന് ഇസ്ളാമിക നിലപാടുകള്ക്ക് മുന്തൂക്കം നല്കുന്ന തുര്ക്കിയിലെ പരമോന്നത കോടതിയായ ദി കൗണ്സില് ഓഫ് സ്റ്റേറ്റ്സ് പ്രഖ്യാപിച്ചതിന് പിന്നാലെ ദേവാലയത്തെ മോസ്ക്കാക്കി മാറ്റാനുള്ള ഉത്തരവില് എര്ദോഗന് ഒപ്പുവെച്ചത്.
ദേവാലയം മുസ്ലിം പള്ളിയാക്കി മാറ്റരുതെന്ന് അന്താരാഷ്ട്രതലത്തില് വലിയ സമ്മര്ദ്ധം ഉണ്ടായിരുന്നെങ്കിലും തീവ്ര ഇസ്ലാം മത ചിന്താഗതി പുലര്ത്തുന്ന തുര്ക്കി പ്രസിഡന്റ് ഇതിനെ പൂര്ണ്ണമായി അവഗണിക്കുകയായിരിന്നു. യുനെസ്കോയുടെ ലോക പൈതൃക പട്ടികയിലുള്ള ദേവാലയത്തെ മ്യൂസിയമായി തന്നെ നിര്ത്തണമെന്ന് അമേരിക്ക, റഷ്യ, ഗ്രീസ് അടക്കമുള്ള രാജ്യങ്ങളും യൂറോപ്യന് യൂണിയനും ആവശ്യപ്പെട്ടിരുന്നുവെങ്കിലും ഫലമുണ്ടായില്ല. ഏര്ദ്ദോഗന്റെ ഈ തീരുമാനത്തിന് പിന്നാലെ 2020 ജൂലൈ 12ന് ഞായറാഴ്ച ഫ്രാന്സിസ് പാപ്പ വികാരഭരിതനായി സംസാരിച്ചിരിന്നു. \’ഇസ്താംബുള് ഹാഗിയ സോഫിയായെ ഓര്ത്ത് ഞാന് വളരെ ഏറെ വേദനിക്കുന്നു\’ എന്ന് പറഞ്ഞ ഫ്രാന്സിസ് പാപ്പ സ്വരമിടറി ഏതാനും നിമിഷം നിശബ്ദനായി.
എ.ഡി 537-ല് ജസ്റ്റീനിയന് ഒന്നാമന് ചക്രവര്ത്തിയുടെ കാലത്താണ് ഹാഗിയ സോഫിയ നിര്മിച്ചത്. ആദ്യ കാലത്ത് ഒരു കത്തീഡ്രല് ദേവാലയമായിരിന്ന ഹാഗിയ സോഫിയ \’ചര്ച്ച് ഓഫ് ദ് ഹോളി വിസ്ഡം\’ എന്ന പേരില് അറിയപ്പെട്ടിരിന്നു. ബൈസന്റൈന് സാമ്രാജ്യത്തിന്റെ പ്രതാപകാലത്ത് പണിതുയര്ത്തിയ ഹാഗിയ സോഫിയ ക്രൈസ്തവ ലോകത്തിന്റെ വിശുദ്ധമായ പാരമ്പര്യത്തിന്റെ പ്രതീകവും അനേകം നൂറ്റാണ്ടുകളില് ക്രൈസ്തവ വിശ്വാസികളുടെ ഒരു പ്രധാന തീര്ത്ഥാടന കേന്ദ്രവുമായിരുന്നു. 1453 ല് ഓട്ടോമന് സാമ്രാജ്യം കോണ്സ്റ്റാന്റിനോപ്പിള് കീഴടക്കിയതോടെ ഹാഗിയ സോഫിയയെ ഒരു മോസ്ക് ആക്കിമാറ്റി. കെട്ടിടത്തിലുണ്ടായിരുന്ന പല ചിത്രപ്പണികളും നശിപ്പിക്കപ്പെട്ടു. ഇതില് അതീവ ദുഃഖിതരായിരിന്നു ക്രൈസ്തവ സമൂഹം. ഇതേ തുടര്ന്നാണ് മുസ്തഫ കമാല് അതാതുര്ക്കിന്റെ കാലത്ത് ക്രൈസ്തവ വിശ്വാസികളുടെ വികാരം കൂടി കണക്കിലെടുത്തു ഇതിനെ ഒരു മ്യൂസിയമാക്കി മാറ്റിയത്.
1985ല് യുനെസ്കോ പ്രമുഖ ചരിത്രസ്മാരകങ്ങളോടൊപ്പം ഹാഗിയ സോഫിയയെ വേള്ഡ് ഹെറിറ്റേജ് സൈറ്റില് ഉള്പ്പെടുത്തിയിരിന്നു. എന്നാല് കാലാകാലങ്ങളായി ഹാഗിയ സോഫിയയെ മോസ്ക്ക് ആക്കിമാറ്റാനുള്ള മുറവിളി തീവ്ര ഇസ്ലാമികളുടെ ഭാഗത്തു നിന്നു ഉയര്ന്നിരിന്നു. കടുത്ത ഇസ്ളാമിക നിലപാടുള്ള തയിബ് എര്ദോഗന് ഭരണത്തിലേറിയതോടെയാണ് നിര്മ്മിതിയെ മോസ്ക്ക് ആക്കി മാറ്റാനുള്ള ശ്രമം ഭരണതലത്തില് വീണ്ടും ആരംഭിച്ചത്. ഒടുവില് ഏര്ദ്ദോഗന്റെ ഇടപെടലില് 2020 ജൂലൈ 10നു ദേവാലയത്തെ മോസ്ക്കാക്കി മാറ്റുന്ന നടപടിയില് ഒപ്പുവെച്ചു. യുനെസ്കോയുടെയും അനേകം രാജ്യങ്ങളിലെ നയതന്ത്രജ്ഞരുടെയും എതിര്പ്പ് വകവെയ്ക്കാതെയായിരിന്നു ഒപ്പുവെയ്ക്കല്.
തുടര്ന്ന് 2020 ജൂലൈ 24നു ആദ്യമായി ഈ പുണ്യ പുരാതന ക്രൈസ്തവ ദേവാലയത്തില് ഇസ്ലാമിക നിസ്ക്കാരം നടന്നു.
Wow, incredible blog structure! How long have you ever been running a blog for?
you made blogging look easy. The overall glance of your website is excellent, let alone the
content material! You can see similar here ecommerce